Die Minister van Finansies, mnr. Mbumba, sorg altyd vir iets opwindends wanneer hy sy begrotingsrede indien. Hierdie keer was dit twee klein babetjies wat voor die tyd saam met hom moes paradeer en ‘n bondel rooi rose aan elke vroulike lid van die parlement.

Ek ken baie mans wat vir hulle vrouens blomme huis toe bring as hulle kwaad gedoen het.

Toe ek die baie blomme sien, kon ek nie help om terug te dink aan hoe lelik veral die SWAPO manslede met die vrouens was toe die "Domestic Violence Bill" verlede jaar in die Nasionale Vergadering bespreek is nie. Ek dink dit gaan meer as blomme kos om dit reg te stel.