Al die interessante gebeure van die heuglike byeenkoms sal met hulle terugkeer deur die jongmense gerapporteer word en in die pers verskyn. Die jongmense sal deur hierdie kleurvolle fees werklik geskiedenis maak. Hulle is die denkende jeug en het hulle menswees in ons tyd probeer vorm deur sterk geestelike en kulturele waardes. Hulle leef hulle eie ABC uit en kan vir menige volwas-sene reeds rigting aandui

Hul ABC staan vir Afrikanerskap, Burgerskap en Christenskap. Hulle ABC leer hulle reeds wyd dink en ondersoek. Hulle lewe in ‘n land waar verykende kulture saamleef. Dit leer hulle dat Afrikanerskap nie eksklusief ‘n wit omhulsel het nie. Die taal bind verskeie mense aan mekaar. Burgerskap is dieselfde. Hulle leer ken hul mede-burgers en daarom verwelkom hulle dit as jongmense van verskeie kulture saam met hulle die leerskool van die Voortrekkers kan deurmaak. Christen-skap skool hulle in religie en maak hulle bewus van die verskillende mede-burgers se religieuse voorkeure.

Denkende, gesonde jongmense word in die organisasie geslyp en kan net tot voordeel van die hele gemeenskap se jongmense strek

Mag die geesdriftige groep jongmense met ‘n sterk boodskap van hulle viering huis toe kom en die gedagtes vrugbaar aan mede-jeugdiges uitdra.