Die POP is saam met die mens,  deel van die mens sedert prehistoriese   tye.  Die pop het ook die religieuse figure van toentertyd uitgebeeld maar ook sekere simbole beteken.
Die pop was altyd ‘n  deel van elke dogtertjie se grootword- proses.  Die pop is enige ouma se  geliefkoosde geskenk vir haar kleindogter.  Die pop is maatjie,  sussie, dogtertjie en sielsvertroueling.  Geheime word gedeel en die wonder van die grootmenslewe word aan die hand van die pop  gesoek en verken.  Dogtertjie se  vrouwees ontwikkel aan die hand van Pop.  Die mode, die  image, die ek  word aan die pop toevertrou.   Pop het ‘n naam, Pop word  Mevrou, Pop hou teepartytjies  maak mooi en nooi gaste.
Pop is ook baba.  Sy word knus in haar bedjie getroetel,  sy doen babatjie – dinge en moedertjie versorg  haar.  Liefdevol word sy in die waentjie  gestoot  as daar gestap word of dorp toe gegaan word of vir Ouma gekuier word.
Dit is dogtertjie-wereld.  Maar alte gou is babatjie ‘n langbeen tiener en  die Barbie figuurtjie verskyn.  Die winkelrakke  is ook vernuftig genoeg om te sorg dat Barbie met al modieuse uitrustings  beskikbaar is en Ma en Ouma  sorg dat hulle volgende verjaarsdag of Kersfees daar verskyn.  Barbie kom sommer met haar eie motor aan en dis nie hoelank nie of Ken daag ook op. Saam is daar hulle pophuiswereld om te verken en die meubels en bykomstighede word aangeskaf.  So het duisende dogtertjies oor die wereld die afgelope vyftig jaar sedert Barbie  se verskyning die wereld leer ken.  Ruth Handler die vindingryke skepper van Barbie het in die halfeeu vir Barbie  in elke beroep denkbaar geplaas soos die tyd aangestap het.  Barbie het die ge-emansipeerde vrou geword en dogtertjies se wereldbeeld help bou  .Menseverhoudinge was ook  die pop  se gawe aan haar dogtertjiemaatjie  Barbie het die kommersiele wereld stormenderhand verower.  Siedaar, die vrou van vandag wereldwyd.
Barbie en Ken was ‘n paartjie, maar in die gees van ons tyd is hulle na 42 jaar uitmekaar en dis nie meer  die wereld se  bekendste paartjie nie.
Die pop het nog nooit die vrou se verbeelding ontwyk nie.  Lappoppe, porseleinpoppe,  statige dames uit alle  mode-tydperke het verskyn.  Die pop het afgesien van die kindertrooster ook die leidende mode-dame geword en versamelstukke het  hul statement gemaak . Verskillende lande het hul poppe geskep om hul trotse nasionale drag, hul  simbool langs hul vlag  te vertoon.  By die skepping van die kosbare poppe het die  fynste kunswerke tevoorskyn gekom. ‘n Pop uit hout gemaak van Oberammergau is ‘n  skat van  onberekenbare waarde.
Die pop,  kosbare besitting,  troue metgesel en  opvoeder  is dalk besig om haar plek af  te staan aan die  gevoellose  tyd wat ons betree het.  Bratz met haar  vulgere  voorkoms,  haar  oorvloedige geverfde  gelaatstrekke,  haar misvormde kop, bont hare met  “highlites” is  ‘n regte  kindbangmaak.  Sy is glo COOL,  wat dit ook al mag beteken. Sy het dosyne goetertjies soos hangers, handsakke en blokskoene, spykerbeentjies. Sy is  die  mode-model. Meisie-tjies met beentjies en dikste boudjies (junkfood)  het Bratz op haar Kerslysie
Maar dis duidelik dat die winkels nie juis oorvloedig ingerig is om poppe  te verkoop nie.  Want sien, rekenaarspeletjies met twyfelagtige inhoud is die wens vir die krismiskous.  Speel, en dit nog met ‘n pop, is nie cool nie.
Hoe lyk ons kinders se vreugde in ons tyd?

Ingevoerde versamelstuk @ N$ 3900