‘n Mooi oomblik vir ons viervoetige metgeselle.  ‘n Pop is uitgeloot ten bate van die DBV (SPCA) en mev Maureen Mouton  saam met mev Rozelle du Preez van  Swakopmund Spar deel die groot oomblik om te besluit wie die gelukkige wenner van die prys sal wees.  Mev du Preez trek die gelukkige nommer en dan sal die fraaie pop aan die wenner besorg word.  Mev Hettie van der Westhuizen van Swakopmund Welwitschia Versekeringsmakelaars was toe die gelukkige wenner en die organiseerders se baie dankie aan haar vir haar deelname.  Hopelik sal sy vreugde he  aan die pop en ook bly wees oor die geluk wat sy gebring het aan hondjies wat  gevoed word.
Swakopmund Spar is ‘n getroue ondersteuner van die DBV en het deurlopend ‘n insamelingsaksie  vir  hondekos in die winkel.  Klante wat inkom is reeds gewoond daaraan dat ‘n groot houer daar gereed staan  om  goeie dierevriende se skenkings te ontvang.  Hierdie is maar een klein voorbeeldjie van  al die uitreikaksies wat Spar vir die gemeenskap van Swakopmund onderneem. Werklike omgee-aksie beteken om uit te reik na mens sowel as dier
Die hond is dan die mens se troue metgesel .
“And God said:  “I will create for you a companion, 
Both his love for you
And his name will be a
Reflection of my own
And you will call him DOG
Hierdie is die gebed van ‘n getroue hond
Gee tog dat my baas getrou bly aan sy medemens
       Soos wat ek aan hom getrou is.
Maak hom geheg aan sy huisgesin en vriende
       Soos wat ek  aan hom geheg is.
Mag hy soos ek, waardig wees
      Vir die vertroue wat in hom gestel word.
Gee hom ‘n opgeruimde en blymoedige gees
Soos wat ek met my swaaiende  stert openbaar,
        Besiel hom met ‘n gevoel van dankbaarheid
Soos wat ek met my lekkende tong bewys
Maak hom geduldig
      Soos wat ek is wanneer ek sy  voetstappe
Sonder kla vir ure  afwag.
     Besiel hom  met my waaksaamheid, my durf
En my bereidwilligheid om gerief en selfs
     My lewe  vir hom op die altaar te plaas
Laat hom sy lewenslus en begeerte
      Om te speel altyd soos ek behou
Maak hom net so ‘n goeie mens
      As wat ek ‘n goeie hond is

MAAK  HOM  ‘n  WAARDIGE  BAAS   VIR  SY  HOND!!!!