Scharl Moller is ‘n bekende naam in die uitsaaiwese.  Hy het pas hier aan die kus in Swakopmund  die nuwe stasie Westcoast   bekend gestel en is ywerig besig om ‘n  gemeenskap –uitsaaistasie  vir die weskus op die been te bring.  Daar sal in Afrikaans, Duits en Engels uitgesaai word en jongmense met hul welluidende en stewige stemme kan gerus kom besoek afle by die ateljee en hulself vergewis van die aktiwiteite en programme van die stasie  Skakel gerus vir  Sharl Moller by  0811274024 om ‘n  afspraak te maak of selfs om enige interessante gebeure met hom te deel
Tans is Heinrich Marnitz van radio-faam uit SA hier op besoek om as adviseur op te tree en  dit is duidelik  dat hy nog dikwels hier gesien sal word om  hierdie kleuterstasie na sy  volwassenheid te begelei. Sakelui is baie welkom om te kom gesels en van hul ondernemings te vertel.  Bekendstellig op die lug  kan  ook vir hulle  tot groot voordeel wees.
Die kusdorpe,  Walvisbaai, Swakopmund en Hentiesbaai sal deur die stasie bedien word. Belangstellendes, musiekmakers en selfs kinders is welkom om hul gedagtes  in die ateljee te kom deel.
Swakomund is trots daarop dat die  nuwe gespreksgenoot hom hier kom tuismaak het en hoop dat diegemeenskap die geleentheid tot gesels sal  geniet en kreatief gebruik
Westcoast,  ons is bly jy is ons gas.