Geskiedenis het ‘n manier om ‘n mens vas te  vang  en bietjie te laat stilstaan.  Dit is nou die geval met die bouwerk wat so vroeg in die nuwe jaar  by die museum  in Swakopmund  aan die gang is.
Waarom word daar by die museum aangebou? Het die geskiedenis iets nuts om vir ons te se?  Ja, beslis ja.  Die ou bekende kroeg van die Hansa Brouery sal  hier by die museum ingebou word en sal  as alles goed verloop, reeds in Julie sy deure vir die publiek oopmaak..  Die ou bekende inrigting van die  kroeg, sal hier ingebou wees en soos in die goeie ou dae kan die baie stories om die kroegtoonbank weer hervat word.
Swakopmund se broutradisie sal hier weer bekend word en besoekers sal  met  nog ‘n faset van pionierslewe  hier aan die weskus bekend raak  ‘n Tipiese ou “draft” bier,  vatbier, sal hier  geniet word.
 Nog ‘n drinkplek in Swakopmund!!  Is hier nie al genoeg nie! Nee, nie ‘n drinkplek nie… ‘n  saamweesplek,  ‘n eerbiedwaardige onthouplek vir hulle wat hier vir ons kom staanplek maak het.
Museumpersoneel is baie trotsop hierdie verwikkeling en daar is waardering vir ‘n redelike kontant-bedrag wat deur die Brouery aan die projek geskenk is. Ou inwoners van Swakopmund met wie PLUS gesels het,  kry so ‘n nostalgiese kyk in die oe en sug: “ 
Miskien kom bietjie van die ou Gemütlichkeit van die pioniers terug hier na die Mole toe waar so baie geskiedenis hier rondom die vuurtoring geleef het”
PLUS wil reeds in die gees al vrolik wees: “Ein Prosit, ein Prosit der Gemütlichkeit.”