By  Beach Lodge in Swakopmund word daar  ywerig gebou en gewerk.  Beach Lodge is  ‘n spog- pension  so knus aan die strand net voor Myl 4.
Die bekende skip-hotelletjie is ‘n verblyflandmerk en gaste geniet hier die nabyheid van die see en word soggens wakker met die ge-druis van die branders in jou ore.
Nou word die beken-de skip groter gebou en kamers bygevoeg  sodat daar heelwat meer gaste gehuisves kan word.  Daar sal altesaam negentien kamers wees wanneer die  statige dame haar vaart  langs die Atlantiese oseaan nou aandurf.  Op die dek van die skip sal daar  ‘n vriendelike restaurant  verrys en ten spyte van al die gesellige eetplekke  in die dorp sal hierdie een weliswaar so naby aan die see wees dat dit die kuiertjie ‘n belewenis sal maak.
Die  “Beach Lodge” sal eintlik verdwyn en ‘n nuwe skip met ‘n nuwe naam sal tevoorskyn kom.  Die naam is nog ‘n geheim maar  die nuwe dame  sal  ter gelegener tyd  aan die  potensiele  gaste bekend gestel word.  Wees dus gerus op die uitkyk vir die  koms van die nuwe  skip met ‘n nuwe naam.
PLUS sien uit daarna om die nuwe  dame op haar nooiensvaart aan die  publiek  bekend te stel.