Seebad,  die gesellige kuierplekkie is weer terug in die hoofstraat  van Swakopmund  na ‘n tydjie van afwesigheid. Die bestuur belowe weer heerlike smulgebak wat elke  Duitse bakkery  gewoonlik met sy eie stempeltjie  aanbied.
Ligte middagetes  is weer beskikbaar en gaste is verseker van  ‘n lekker happie teen ‘n redelike prys
Seebad is gelee in die hoofstraat teenoor die statige ou Eberwein Hotel en is heeltemal gerieflik om te vind en  gewoonlik is parkeerplek daar nie  problematies nie.  Vir kantoorpersoneel is dit ‘n gawe ontspanningsuurtjie  in die middag en vir vriende of ‘n gesin is dit ook  ‘n vriendelike hoekie vir so ‘n  geselsie met mekaar oor die dag se sake.
Seebad is ook  bedrywig oor naweke en vriende kan gerus mekaar hierheen uitnooi vir ‘n gemuetliche koppie koffie of tee met fyn gebak daarby.  PLUS het reeds die koffie gaan proe en was toe sommer bly dat Seebad terug is in die hoofstraat van Swakopmund