Aardverwarming.  Dit is ‘n omge-wingsbedreiging vir die voortbestaan van die mens.  Die debat handel daaroor of die gevaarlike kweek-huisgasse deur die mens veroorsaak word  en of dit natuurlike prosesse is.
Die openbare debat oor die saak  word die afgelope paar jaar met veel emosie gevoer en  die groen partye  raak heftig in hul konfrontasie met regerings
Verlede jaar het  Al Gore, voor-malige visie-president van Amerika ook tot die bewaringsveldtog toegetree. Hy en sy groep het die film “An inconvenient Truth” uitgegee waarin dit duidelik uitgebeeld word dat die mens hoofsaaklik verantwoordelik is vir aardver-warming en  die klimaatsverandering wat daarmee gepaard gaan. 
Hierdie Oscar-bekroonde rolprent word nou teengestaan deur ‘n nuwe een wat pas verskyn het en  die teenoorgestelde standpunt stel.  “The Great  Global Warming Swindle” van Durkin is daarop gemik om  ‘n teenvoeter vir Gore se “Inconvenient Truth te wees.
Wetenskaplikes wys nou daarop dat  klimaatverandering nie ‘n “godsdiens” moet word nie en dat daar wel baie meer pogings aangewend moet word om wetenskaplike navorsing  deur te voer.  Bevindinge moet dan op minder emosionele wyse en meer wetenskaplik beskou word.
Dat natuurlike hulpbronne soos water wel  in die nabye toekoms baie skaars sal word, veral in Afrika is wel waar.  Dit het tyd geword dat die hulpbronne soos water met die uiterste kundigheid bestuur en benut sal word anders sal die lewegewende water nie vir die kontinent daar wees nie.
In die hele proses van bewaring is dit ook noodsaaklik dat  alternatiewe energie-bronne ook ondersoek sal word.  In SA word tans deur die boerderygemeenskap die moontlikhede van sonkrag of windkrag  ondersoek.
Sonkrag is reeds redelik algemeen in gebruik maar  in die stygende vlaag van misdaad word die sonpanele  teen ‘n geweldige tempo verwyder.  Nou word daar ondersoek ingestel na windkrag.  Daar is ook moontlikhede ondersoek vir ‘n kombinasie van die twee energie-vorme.  Om windlaaiers te installeer  is duurder as die sonpanele maar miskien vir die boere meer prakties teen misdaad.
Boere twyfel nie daaraan dat die twee stelsels wel vir hulle die antwoord kan wees op plase nie,  want as die twee ten volle ge-integreer is, kan dit ook  met sekuriteitsmaatreels wat ingebou sal word, ‘n veilige en lonende stelsel wees.
Die landbougrond in die land moet ook met uiterste omsigtigheid benut word want met klimaatsverandering kan die produksie van voedsel ook  baie nadelig getref word.  Gewasse sowel as dierelewe kan deur klimaatstoestande swaar getref word.   Daarom moet betyds stelsels ontwerp word om landbou-bestuur op ‘n gesonde wetenskaplike grondslag te plaas.  Landbougrond wat  versorg word, beteken voedsel vir die toekoms maar  verwaarlosing in die sin van bebossing of  woestyn produseer nie voedsel vir die mens nie.