Die tyd het aangestap en verandering  (nie altyd ten goede nie)  vind oral plaas. Alles moet aanpas by die nuwe tyd.  Van die oorlosie tot die taal tot ons dorp se stadsdwapen en nog vele meer
Ja die stadswapen wat sedert 1972 vir die inwoners gespreek het, moet nou by die tyd aanpas en  spreek namens die  inwoners. Die nuwe bedeling sal spreek  tot die volk en nie enige kulturele groep nie.
Eerstens sal die vorm wel voortleef maar die bekende ou drie-doring bos sal moet wyk want dit het die Europese tale verteenwoordig.  Hierdie  element sal waarskynlik vervang word deur ‘n natuurelement soos die welwitschia.  Die vuurtoring en die kaserne sal nog behou word.  Hierdie landmerke is vir ons die hart en siel van die gebied en spreek  ook van die  erfenis wat deur die voorgeslagte nagelaat is.  Dit spreek van arbeid, deursettingsvermoe, hoop, trots en toekomsvisie.  Diegene wat hier onthou word, het  doelwitte bereik en ‘n woestyn getem om ‘n moderne leefwyse vir hul tyd  te vestig.  Die prestasies van die voorgeslagte, hulle beproewings, sukses en mislukking het ‘n onskatbare erfenis agtergelaat. Die geliefde vuurtoring van Swakopmund sal hopelik nog lank die simbool van ‘n  goeie toekoms vir die bevolking, vir al die kultuurgroepe beteken.
Die Duise koloniale kleure swart , wit en rooi sal ook vervang word deur Namibia  se nasionale kleure.   Die leuse van die stad, Providentiae  Memor  sal ook behoue bly en hopelik nog vir samebinding en vooruitgang dien.
Die veranderinge sal dan nou in die komende maande  aangebring word en die inwoners sal hulle sekerlik met die veranderinge moet vereenselwig ten einde gesonde samewerking in die toekoms  te verseker.